BIOLOGIYA KAFEDRASI
Biologiya kafedrasida biologiya, botanika, evolyutsion ta’limot, genetika va ekologiya kabi fanlar o’qitilib kelinmoqda. Ushbu fanlar bo`yicha kafedraning 9 nafar o`qituvchisi o`quvchilarga dars berib kelmoqda. Bulardan 3 nafar fan nomzodi, 5 nafar bosh o`qituvchi, 4 nafar katta o`qituvchi hisoblanadi.
|
Dilbar Shamirzayevna Babaxanova – 1991 – yilda Leningrad Davlat Universitetining biologiya fakultetini tamomlagan, mutaxassisligi biolog-genetik. Hozirda biologiya fanidan bosh o‘qituvchi vazifasida ish olib boradi. Qator ilmiy-uslubiy maqolalari O‘zbekiston va MDH da nashr qilinadigan ilmiy jurnallarda chop qilingan. D.Sh.Babaxanova biologiya fan olimpiadalariga o‘quvchilarni tayyorlash sohasida keng ko‘lamda faol ish olib boradi. Uning rahbarligida TTA AL 3-bosqich talabalari G’oziyev N., Muhamedov I., Qodirova D. 2017-2018 – o’quv yilida Qozon federal universiteti va Uzoq Sharq federal universiteti tomonidan o’tkazilgan fan olimpiadasi g’oliblari bo’ldilar. Fan olimpiadasining respublika bosqichida quyidagi o’quvchilar 2010 (Ziyovuddinov M. 1-o‘rin), 2012 (Abdukarimov Sh. 1-o‘rin), 2013 (Abrorxonov.A., 1-o‘rin), 2014 (Shamirzayeva D., 2-o‘rin), 2015 (Ikromova L., 1-o‘rin) yillarda g‘oliblikni qo‘lga kiritib, TTAga imtiyozli ravishda talabalar safiga qabul qilinganlar; 2013 yilda 3-bosqich talabasi K.Toshpo‘latova biologiya fanidan Xalqaro olimpiadada ishtirok etgan. 2019-2021-yillarda D.Babaxanova rahbarligida tayyorlangan 50 dan ortiq o’quvchilar Rossiya federatsiyasida o’tkazilgan biologiya fanidan online fan olimpiadasi g’olibi bo’ldilar. 2012 yilda “O‘rta-maxsus kasb-hunar ta’limi a’lochisi” ko‘krak nishoni bilan taqdirlangan. D.Sh.Babaxanova 2017-2021-yillarda O‘zbekiston Oliy va o‘rta maxsus kasb-hunar ta’limi yo‘nalishlari bo‘yicha Muvofiqlashtiruvchi kengashi tomonidan tasdiqlangan akademik litseylar uchun biologiya fanidan Namunaviy o‘quv dasturlarining hammuallifi hisoblanadi. 2017 – yildan buyon biologiya kafedrasi mudiri vazifasida ishlab kelmoqda. 2018 – yilda «Shuhrat» medali bilan taqdirlangan. 2019 – 2021 – yillarda D.Babaxanova Rossiya federatsiyasida biologiya fanidan o’qituvchilar uchun o’tkazilgan online fan olimpiadalarining g’olibi bo’lgan. Babaxanova D. O’zbekiston Respublikasi Oliy va o’rta maxsus ta’lim vazirligining 2021 – yil 23 – noyabrdagi «500» -sonli buyrug’iga asosan Tabiiy fanlar yo’nalishidagi akademik litseylar uchun yaratilgan «Biologiya» darsligining hammuallifi hisoblanadi. |
 |
| Ra’no Nurillayevna Babayeva – 1987 – yilda ToshDU (hozirda O‘zMU) biologiya-tuproqshunoslik fakultetini tamomlagan. Biologiya fanlari nomzodi. 2002 yilda “O‘rta-maxsus kasb-hunar ta’limi a’lochisi” ko‘krak nishoni bilan taqdirlangan. 2012 – yilda o‘rta- maxsus kasb hunar kollejlari va AL o‘quvchilari uchun “Botanika” va 2016 yilda O‘rta- maxsus kasb hunar kollejlari va AL o‘quvchilari uchun “Botanika va o‘simliklar fiziologiyasi” o‘quv qo‘llanmalari muallifi. 1991-2015 yillarda 45 dan ortiq ilmiy-uslubiy maqolalari O‘zbekiston, Rossiya, Ukraina, Estoniyada chop qilingan. 2005 yil 2- sentabrdan buyon akademik litseyda biologiya o`qituvchisi vazifasida ishlab kelmoqda. Babayeva R O’zbekiston Respublikasi Oliy va o’rta maxsus ta’lim vazirligining 2021-yil 23- noyabrdagi «500» -sonli buyrug’iga asosan Tabiiy fanlar yo’nalishidagi akademik litseylar uchun yaratilgan «Biologiya» darsligining hammuallifi hisoblanadi. |  |
| Zoxid Vasikovich Malikov – 1971 – yilda TDPI (hozirda TDPU) biologiya-kimyo fakultetini tamomlagan, biologiya fani bosh o‘qituvchisi, biologiya fanlari nomzodi. Mazkur litseyda 2007 – yildan boshlab faoliyat olib boradi. “Umumiy ekologiyaning asosiy tushunchalari”, “Hujayra, rivojlanish va irsiyat biologiyasi” , “O‘simliklar ekologiyasi va inson salomatligi” , “Ekologiya asoslari” o‘quv qo‘llanmalari va AL o‘quvchilari uchun mo‘ljallangan “Odam anatomiyasi va fiziologiyasi” darsligi (hammualliflikda) nashr qilingan. Z.V.Malikov 2016 – yilda O‘zbekiston Oliy va o‘rta maxsus kasb-hunar ta’limi yo‘nalishlari bo‘yicha Muvofiqlashtiruvchi kengashi tomonidan tasdiqlangan akademik litseylar uchun biologiya fanidan Namunaviy o‘quv dasturining hammuallifi hisoblanadi. Malikov Z. O’zbekiston Respublikasi Oliy va o’rta maxsus ta’lim vazirligining 2021 – yil 23- noyabrdagi «500» -sonli buyrug’iga asosan Tabiiy fanlar yo’nalishidagi akademik litseylar uchun yaratilgan «Biologiya» darsligining hammuallifi hisoblanadi. |  |
| Sanoat Muxammadaminovna Nadjimova – 1991 – ToshDU (hozirda O‘zMU) biologiya-tuproqshunoslik fakultetini bitirgan, mutaxassisligi biologiya-kimyo o‘qituvchisi. Hozirda biologiya fanidan bosh o‘qituvchi, pedagogika fanlari nomzodi. 2008 – yilda “O‘rta-maxsus kasb-hunar ta’limi a’lochisi” ko‘krak nishoni bilan taqdirlangan. Abiturientlar uchun “Biologiya” qo‘llanmasi muallifi (2013), ta’lim texnologiyalari yo‘nalishida 20 ga yaqin maqolalari Respublika jurnallari va Konferensiya materiallarida chop etilgan. 2020 – yilda Nadjimova S O’zbekiston Respublikasi Oliy va o’rta maxsus ta’lim vazirligining 2021-yil 23- noyabrdagi «500» -sonli buyrug’iga asosan Tabiiy fanlar yo’nalishidagi akademik litseylar uchun yaratilgan «Biologiya» darsligining hammuallifi hisoblanadi. |  |
| Abdulxaqova Gulnazira Vaxobjonovna -2010 – yilda Namangan Davlat Universitetining biologiya fakultetini bakalavr bosqichini tamomlagan. Qator ilmiy-uslubiy maqolalari O‘zbekiston va MDH da nashr qilinadigan ilmiy jurnallarda chop qilingan. 2016 yildan boshlab TTA ALda oliy ma’lumotli o‘qituvchi lavozimida faoliyat yuritmoqda. G. Abdulxaqova 2017 – yilda O‘zbekiston Oliy va o‘rta maxsus kasb-hunar ta’limi yo‘nalishlari bo‘yicha Muvofiqlashtiruvchi kengashi tomonidan tasdiqlangan akademik litseylar uchun biologiya fanidan Namunaviy o‘quv dasturining hammuallifi hisoblanadi. «Ekologiya asoslari» fanidan O‘quv uslubiy majmua ishlab chiqishda qatnashgani va videodarsliklar to‘plami tuzgani uchun 2016 – yilda O‘rta maxsus kasb-hunar ta’limi muassasalarini axborot metodik ta’minlash xizmatining guvohnomasi bilan taqdirlangan. 2017 – yilda “Ekologiya asoslari” o’quv qo’llanmasi (hammualliflikda) nashr qilingan. O’zbekiston Respublikasi Oliy va o’rta maxsus ta’lim vazirligining 2021 – yil 23- noyabrdagi «500» -sonli buyrug’iga asosan Tabiiy fanlar yo’nalishidagi akademik litseylar uchun yaratilgan «Biologiya» darsligining hammuallifi hisoblanadi. |  |
| Kodirov Davron Mamadiyorovich – 2006 – yil Mirzo Ulug`bek nomidagi O`zbekiston Milliy Universiteti bakalavr bosqichi, 2008 – yil magistratura bosqichini tamomlagan. 2003 – 2004 – yillar A.Navoiy nomidagi Respublika nafis san’at litseyida tarbiyachi, 2006 – 2007 – yillarda O’zR FA genetika va o’simliklar eksperimental biologiya institutida laborant, 2008 – yil Oqoltin tumanidagi 10-o’rta maktabda biologiya o’qituvchisi, 2008-2011-yillarda Toshkent shahar “FIRDAVS-NAIM” MCHJda biologiya o’qituvchisi, 2015-2017 – yillarda “INFO TEST” nodavlat ta’lim muassasasida biologiya o’qituvchisi, 2017 – yil 19 – avgustdan TTA akademik litseyida to’garak rahbari lavozimida ishlagan. 2017-yil 10-oktyabrdan mart oyigacha xo’jalik ishlari bo’yicha direktor o’rinbosari lavozimida ishlagan. Hozirda biologiya kafedrasi katta o’qituvchisi lavozimida ishlab kelmoqda. |  |